የክፍለ ከተማው የመስሪያ ቦታ አስተዳደር ስልጣንና ተግባር፡-

የመስሪያ ቦታ ድጋፍ የሚገባቸውን ኢንተርፕራይዞች መረጃ ትክክለኛ መሆኑን አረጋግጦ በተቀመጠው አሰራር ሥርዓት መሠረት የኤጀንሲውን ውሳኔ ያስፈጽማል፡፡

አዲስ ተመልምሎ ወደ ክላስተር ማዕከላት (ህንጻዎች) የሚገቡ የቦታ ስፋታቸው እስከ 120 ካ.ሜ እና የቦታ ስፋታቸው እስከ 240 ካ.ሜ በሆኑ ሼድ የሚመደቡ ኢንተረፕራይዞችን በተመለከተ በወጣው መስፈርት መሰረት ተገምግሞ በክ/ከተማው ፕሮሰስ ካውንስል ውሳኔ ይሰጣል፡፡

ስፋታቸው እስከ 50 ካሬ የሆነ በኢንተርፕራይዞች የሚቀርበውን የማስፋፈያ ጥያቄዎች ላይ በመመሪያው መሰረት አስፈላጊውን ውሳኔ በፕሮሰስ ካውንስል በመወሰንና በመስጠት ሪፖርት ለኤጀንሲው ያቀርባል፡፡

የመስሪያ ቦታ ተጠቃሚ ኢንተርፕራይዞች ሙሉ መረጃ ቀልጣፋና ዘመናዊ በሆነ መንገድ ወደ መረጃ ቋት አስገብቶ ይይዛል፡፡

የመስሪያ ቦታ ተጠቃሚ እንዲሆኑ የተወሰነላቸውን ኢንተርፕራይዞች መለያ ቁጥር በመስጠት እንደቅደም ተከተላቸው ውል እንዲዋዋሉ ያደርጋል፣ ይከታተላል፡፡

በሕገ-ወጥ መንገድ የተያዘ የመስሪያ ቦታ በቀረበው መረጃ መሰረት እርምጃ ይወስዳል፣ የውሳኔ ሐሳብ ለሚመለከተው ያቀርባል፣ድጋፍ ያደርጋል፡፡

የመስሪያ ቦታዎች ለታለመላቸው ዓላማ ስለመዋላቸው ይከታተላል፤ ይቆጣጠራል፡፡

የከተማው ነዋሪ ሆነው አዕምሯዊ ንብረት ጽ/ቤት የስራ ፈጠራ ባለቤትነት ሰርተፍኬት መብት ይዘው የሚቀርቡና ፈጠራቸው ቢተገበር የስራ ዕድል እንደሚፈጥር የታመነበትን የመስሪያ ቦታ ፈላጊዎች በአንዱ የፈጠራ ስራ ዘርፍ ብቻ በኤጀንሲው ውሳኔ መሰረት አሰራሩን ተከትሎ ያስፈጽማል፡፡

በመመሪያው ከተጠቀሱት የስራ ዘርፎች ውጪ የመስሪያ ቦታ ጥያቄ ሲቀርብ ኤጀንሲው በሚሰጠው ውሳኔ መሰረት አሰራሩን ተከትሎ ተግባራዊ ያደርጋል፡፡

መስሪያ ቦታን በሚመለከት ለሚጠየቁ ማብራሪያዎች ተገቢና ወቅታዊ ምላሽ ይሰጣል፡፡

ከባለጉዳይ የሚቀርቡ ቅሬታዎችና አቤቱታዎችን በህጋዊ አሰራር መሰረት በጽሑፍ ተገቢውን ምላሽ ይሰጣል፡፡

በክላስተር ፅንስ ሐሳብ መሰረት ማደራጀት እንዲቻል ኢንተርፕራይዞችን በዘርፉ በያዙት የቦታ መጠን ይለያል፣ተግባራዊ እንዲሆን ያስተገብራል፡፡

በተለያዩ አካላት የመስሪያ ቦታዎችን በሚመለከት የሚቀርቡ ጥቆማዎችን ተገቢውን የማጥራት ስራ በማድረግ አስፈላጊውን የማስተካከያ እርምጃ ይወስዳል፣ ለኤጀንሲው ያሳውቃል፡፡

ከኤጀንሲው ተወስነው የሚላኩ ጉዳዮችን በመመሪያው መሰረት ተግባራዊ ያደርጋል፡፡

በመስሪያ ቦታ የሚሰሩ አንቀሳቃሾችን ለማስተባበር የወጣ የግቢ ኮሚቴ ሞዴል መተዳደሪያ ደንብ ተግባራዊነቱን ክትትል ያደረጋል፡፡

ከሌላ ክፍለ ከተማ በህጋዊ መንገድ ተደራጅተው የመስሪያ ቦታ እንዲሰጣቸው የተወሰነላቸውን ኢንተርፕራይዞችን ባለው ክፍት ቦታ እንዲመደቡ ያደርጋል፡፡

ተገንብተው የተጠናቀቁና ለስራ ዝግጁ የሆኑ የመስሪያ ቦታዎችን ተደራሽ እንዲሆን ተደራጅቶ ለሚመጡ ኢንተርፕራይዞች ፍትህዊ በሆነ መልኩ በሚደባ ወይም ውድድር መስሪያ ቦታውን ያስተላልፊላቸዋል፡፡

በመስሪያ ቦታ የቆይታ ጊዜያቸው አራት ዓመት የሞላቸው ኢንተርፕራይዞችን በመመሪያው መሰረት ቅድማ ዝግጅት እንዲያደርጉ የማሳወቂያ ደብዳቤ እንድሰጣቸው ያደርጋል፤ በየጊዜው ክትትልና ቁጥጥር ያደርጋል፡፡

ወደ ታዳጊ መካከለኛ የዕድገት ደረጃ የተሸጋገሩትን ኢንተርፕራይዞች ተተኪ ቦታ ከተሰጣቸው የቆይታ ጊዜያቸውን ሳይጠብቁ የያዙትን የመስሪያ ቦታ እንዲለቁ በማድረግ ለኤጀንሲው ያሳውቃል፡፡

ከመስሪያ ቦታ አሰጣጥ እና አጠቃቀም ጋር ተያይዞ የአሰራር ስርዓት ክፍተት ከተፈጠረ ከሚመለከተው አካል ጋር ጥናት በማድረግ ማስተካከያ እርምጃ እንዲወሰድ ድጋፍ ያደርጋል፡፡

የወረዳ የመስሪያ ቦታ አስተዳደር ስልጣንና ተግባር፡- በመስሪያ ቦታዎች የተደለደሉ ኢንተርፕራይዞች ሙሉ መረጃ ቀልጣፋና ዘመናዊ በሆነ መንገድ ወደ መረጃ ቋት ያስገባል፡፡ አዲስ ተመልምሎ ወደ መስሪያ ቦታ የሚገቡ ጥቃቅን ኢንተርፕራይዞችን በተመለከተ በመመሪያው መሰረት የቦታ ድልድል ለመስጠት እንዲቻል የውሳኔ ሀሳብ ለክ/ከተማ ጽ/ቤት ያቀርባል፡፡ በወረዳ የሚገኙ ክፍት የመስሪያ ቦታዎች በመለየት የኢንተርፕራይዞች ምደባ እንዲከናወን የተጠቃሚነት የውሳኔ ሀሳብ ለክ/ከተማ ያቀርባል፡፡ ለአዲስ ጥቃቅን ኢንተርፕራይዝ የመስሪያ ቦታ እንዲጠቀሙ ለተፈቀደላቸው ውል መስጠትና ለነባር ኢንተርፕራይዞች የውል ዕድሳት ይሰጣል፡፡ ወደ መስሪያ ቦታ እንዲገቡ ተቀባይነት ያገኙትን ኢንተርፕራይዞች መለያ ቁጥር ተሰጥቶ ሲመጣ በቅደም ተከተላቸው የቦታ ድልድል እንዲያገኙ ያደርጋል፡፡ በሕገ-ወጥ መንገድ የተያዘ የመስሪያ ቦታ መረጃ አጣርቶ በግብረ ሃይል አማካኝነት እርምጃ ይወስዳል፡፡ አገልግሎት እየሰጡ ያሉ መስሪያ ቦታዎች በተገነቡበት ዘርፍ ውጤታማ ባለመሆናቸው የዘርፍ ለውጥ አስፈላጊ ሆኖ ሲገኝና በጥናት ሲረጋገጥ መረጃውን አደራጅቶ ለክፍለ ከተማ ጽ/ቤት ይልካል፡፡ የመስሪያ ቦታዎቹ ለታለመላቸው ዓላማ መዋላቸውን ክትትልና ቁጥጥር ያደርጋል፡፡ በመስሪያ ቦታዎች ያሉ ኢንተርፕራይዞች በጋራ የተጠቀሙባቸውን የመብራት፣ ውሃና ሌሎች ክፍያዎች በወቅቱ መክፈላቸውን ያረጋግጣል፡፡ መስሪያ ቦታን በሚመለከት ለሚጠየቁ ማብራሪያዎች ተገቢና ወቅታዊ ምላሽ ይሰጣል፡፡ ከባለጉዳይ የሚቀርቡ ቅሬታና አቤቱታዎችን የቅሬታና አቤቱታ መመሪያን ተከትሎ እንደ አሳፈላጊነቱ ምላሽ ይሰጣል፡፡ ከተለያዩ አካላት ለሚቀርቡ ጥቆማዎች ተገቢውን የማጣራት ስራ በመስራት አስፈላጊውን የማስተካከያ እርምጃ እንዲወሰድ ለሚመለከተው አካል ያሳውቃል፡፡ ከክ/ከ/ጽ/ቤት ተወስነው የሚላኩ ጉዳዮችን በመመሪያው መሰረት ተግባራዊ ያደርጋል፡፡ 14. የግቢ ኮሚቴዎችን እንደ አሰፈላጊነቱ መልሶ የማደራጀት ስራ ይሰራል፡፡ በመስሪያ ቦታዎች የሚሰሩ አንቀሳቃሾችን ለማስተባበር የወጣ የግቢ ኮሚቴ ሞዴል መተዳደሪያ ደንብ ተግባራዊ እንዲሆን ያደርጋል፡፡ በመስሪያ ቦታ የቆይታ ጊዜያቸው አራት ዓመት የሞላቸው ኢንተርፕራይዞችን ቅድመ ዝግጅት እንዲያደርጉ በመመሪያው መሰረት የማሳወቂያ ሂደቶችን ያስፈጽማል፡፡ የውል ግዴታቸውን ሳይወጡ የቀሩ ኢንተርኘራይዞችን እየተከታተለ የእርምት እርምጃ ይወስዳል፡፡ የግቢ ኮሚቴው ሊቀመንበር፣ ም/ሊቀመንበር፣ ጸሐፊ፣ ገንዘብ ያዥና ሂሳብ ሹም እና ሌሎች አባላት እንዲመረጡ ክትትል ያደርጋል፡፡
ለበለጠ መረጃ ይህን መመሪያ ቁ109/2014 ያንብቡ